عليش عيونك انت لواثق الشاعر الكرناوي

عليش عيونك انت مساهرات الليل



ماظن يسوى شي بالدنية تسهرلــه



داريهن عيونك هنــــــــــه حلوات



والاحله بعد متحوطه بكحلـــــــــه



شجاك اتريد تخسر نظرت اهواك



يمكن هاي صعبه وما ا ظن سهله



دخليهن ينظرن نظـــرت الشوك



لاتحرمني منهن كل وكت تحله



اصد ليهن وادوخ بصفنتي عليك



واحس بيهن رمني وصوبن نبله



رمن كلبي وسبني وزادت الدكات



وكل دكه تصيح الغوث تندهلـــه



مو هينه نظرتك بيهـــــــه كلمات



واليصفن عليهن ينسه حتى اهله