مجموعة شعر من حسين الساعدي(رؤعة لايفوتك)

جَمعيتك ورده ورده!!
حسين الساعدي
::::
:
جَمعيتك ورده ورده
وكوه سويتك حديقه!

وضاعت اوياك الموده
وغيرت كل الحقيقه!

ويادمع تكدر ترده!
ويا جدم ضاع ابطريقه!

ياحريق ابروحي شده
وزادت ابروحي الحريقه!

وياصديق الما تهده!
وبالعجل ينكر صديقه

غَيروك ابكلمه وحده!
وللأسف بأول دقيقه!
للأسف بأول دقيقه!
ااالساعدي

--------------------

حسين الساعدي
ركصة موت!
::::
كون ابروحتك مرتاح
اركص عالجروح وفوت

مازال النوايا اوكاح
ماتت حوبة المبخوت!
تدري ابشحة الأرواح
يابخته اليكض تابوت!
وارجعلك وصيح ابصوت
لتخلي الهجر بسكوت
نتشارك قبل لتروح
مابين الضحك والنوح
عين ابعين
روح ابروح
انته ابركصة السجين
وانه ابركصة المذبوح
ونتشارك
ابركصة موت
ااالساعدي

_____________

قصه مع ابوذيات
+++
اكو صديق يعرف بصديقه يحب فلانه! وحبهم طول سنين واهلها ما ينطوها اله! يوم من الايام صار خلاف بين الاصدقاء والصديق النذل راح يخطب حبيبة صديقه اله! بغضاً بصديقه وكان له معرفه اكثر باهلها فوافقوا وتزوجها
وجه يمشي وياها اكبال صديقه القديم

وقال
__
متلوع عليك وصار بي داي
صاحبنه القديم وسكن بيداي
يابدر الليالي الصرت بيداي
ومرنك عليه صبح ومسيه

--
رد الحبيبه
كوه العتبتك كوه يراني
راد المنحرم مني يراني
ما ناموا على وني يراني
هيج وفركتك جنها المنيه
--
رد الحبيب
روحي اموجره وحاقد وجرها
ولازم كذلتك بيده وجرها
هاي الدمعه للباري وجرها
لعيونك حبيبي ابهل مسيه
حسين الساعدي

منتديات درر واسط

» مجموعة من القطع الخارجية الوزارية للصف السادس الاعدادي مع الاجوبة النموذجية للقطع
» شعر رائع(يلة جرحي)لايفوتك
» تحشيش علة المهاجريت لايفوتك خخخ
» من طرائف للحية لدى الرجال خخخ لايفوتك
» الشعر الذي أبهر الناس(لايفوتك)