العكَل يهل العكل راح ويه البنيه. كامله(شعر عراقي شعبي رؤؤعة)

الخذوك شمالهم ماحسبولي حساب
اليبوك من السلف بايك عقل ناطور
اكونك من رحت تفكس عيون الدار
المكحل رماد يشوف بس تنور
ذيب وماكلت يوسف شجاك تخاف
امن واطمئن مابيك كل قصور
بس وطيبتي وديني وصلاة الليل
من ملجوك شفت 14عاشور
العقل يهل العقل راح ويه البنيه
وجيلات العرس ياريتهن بيه
الخذاك اسمه عايز وابن الشويه
كون الوكت مو هاذ ذاك الجنت بي
صدر النهر مخبوط يصفه من احاجي
الولي لعصرتك كل ما يجي الليل
ومن تطلع شمس بمتوني أسوي فياي
وأشلع جلد ما مش هدم ظليت
وجبته وياك ممشة من العطش للماي
عرفت العشگ ذمة وعمري ست سنين
وأكتبلك جنت درس القراءة وياي ترى چوية بنادم على بنادم دين
شلونك بالعرس كالو عليك زوين
كالو دمعتك خربت كحل العين
يل خربطت بحساب نجم الليالي
بالك ترى يكولون حوبة خيالي وعرفتك موش الي من طب غراب البين
وأنا تربات أبوي شلون ضاع رباي
خلصت حنته وباچر يزفونه
وأيده بأيد غيري هواي يردونه
وچماله التكتلك غشو عيونه
عني ويريد يروح ما يدري بيه
من أيده فركاسات صارن بأديه
لا ترجع بعد بلكي من أنام أنساك
بلكت يغطي وجهك چرچف الشراي
شفته المأخذك وتمعنت بيه زين
لا صاحب طويله ولا وجه جناي
شره مني الشعير البالقحط غالي
وأحس هوسه وعراضه وچادر بابي
مو وجه الحسن صوته يتراوالي
واتكمكش بفركاك درب الرمل باب
بلكت أثرمه وجود لجدام اﻷحباب
كاعد والهوى يشمر بأذاني حروف
يابو ولف البعيد الحيل رايد حيل
وانا بطرگ العيون المالهن بيبان عليهن من أجه استفحل بواجي الليل
ترى چوية بنادم على بنادم دين
شلونك بالعرس كالو عليك زوين
كالو دمعتك خربت كحل العين
يل خربطت بحساب نجم الليالي
بالك ترى يكولون حوبة خيالي

الشاعر حسين العميدي

منتديات درر واسط

» ياصاحبي لاتشكيلي احلة شعر شعبي عراقي
» قفشات ابوذيات ومضات ودارمي للام ...شعر شعبي عن الام(احلة شي عراقي هذة)
» صدكتهم وجذبت كلبي ونظرتي , الشاعر فايق الكاطع(شعر شعبي عراقي)
» يا دفتـر عـشك مـسدود صار سنيـن احلة شعر عراقي
» (حرامات)شعر عراقي يخبل